Ngjarja shokuese e ndodhur në Arapaj të Durrësit, ku dy djem të moshës 15-17 vjeç kanë tentuar të përdhunojnë të miturën, vetëm 8 vjeçe, ka tronditur opinionin publik.
Ngjarja ka ndodhur në ambientet e shkollës “Myslim Hida” në Arapaj, në përfundim të këtij viti arsimor.
Dy djemtë kanë marrë të miturën me forcë, e kanë lidhur dhe më pas në një prej klasave të katit të katërt të shkollës kanë tentuar të kryejnë marrëdhënie seksuale me dhunë.
Kanë qenë mësuesit e shollës, ata që kanë gjetur në gjendje të tronditur të miturën.
8-vjeçarja, banuese në Arapaj, në lot u ka treguar mësuesve makabritetin e ndodhur, me aq sa mund të tregojë një fëmijë i kësaj moshe.
Menjëherë në vendin e ngjarjes kanë mbërritur forca të policisë, të cilët kanë dokumentuar ngjarjen, por nuk e kanë bërë të ditur atë, një kërkesë kjo edhe e prindërve të 8-vjecares.
Vajza është pyetur më tej në prani të psikologes e punonjëses sociale.
16-vjecari i arrestuar, ndodhet nën masën e sigurisë arrest me burg dhënë nga gjykata e Durrësit. Ndërsa lidhur me ngjarjen janë shoqëruar një grup djemsh.
Ky është rasti i dytë brenda pak muajve që regjistrohet në zonën e Durrësit. Kujtojmë se në shkurt të këtij viti një 13 vjeçare, ra viktimë e përdhunimit në grup nga djem të po të njëjtës moshë.
LEXO EDHE: Shokuese në Durrës, djemtë lidhin dhe tentojnë të përdhunojnë vajzën e mitur në shkollë